Seismiske měrjenske daty online přistupne
Kak měrny je podspódk w Hornjej Łužicy? We wobłuku přepytowanjow stejnišća za Einsteinowy teleskop so stajnje seismiske měrjenja přewjeduja. Aktualne daty měrjenskeje stacije w Konjecach (DZA01) móžeće sej wotnětka online wobhladać. Wozjewjenje dalšich měrjenskich stacijow so hižo přihotuje.
Na wšěch točenskich městnach w přepytowanskej kónćinje mjez Wojerecami, Budyšinom a Kamjencom so měrjenske nastroje na powjerchu a we hłubokosći instaluja. Seismometry zwěsća dokoławokoło časnika najmjeńše pohiby zemje a nahrawaja tak mejnowany seismiski pozadk. Tutón so wobliwuje wot přirodnych faktorow kaž wětřik a wjedro, ale tež wot čłowjeskeje aktiwity, na přikład přez wochad, ratarstwo abo technisku infrastrukturu.
Za Einsteinowy teleskop su měrne wuměnjenja w podspódku jara wažne. Měrjenja při tym pomhaja, seismiski měr regiona pohódnoćeć a wšelakore wobliwy na daty lěpje rozumić. Přez dołhodobne zwěsćenje datow móža so nimo toho změny w běhu dnja abo sezonow přepytować.
Z wozjenjenjom měrjenskich datow dóstanu zajimcy móžnosć, běžace přepytowanja w Hornjej Łužicy njeposrědnje sćěhować. Zwobraznjene nahrawanja słuža znazornjenju slědźenskich dźěłow; wědomostne pohódnoćenje so na zakładźe dołhodobneje analyzy wšěch zwěsćenych datow přewjedźe.